LAOAG CITY – Inpetteng ni defense team spokesperson Atty. Michael Poa a nasken a saan a mangipaay ti konklusion ti maysa a testigo iti korte, eksperto man daytoy wenno ordinaryo a testigo.
Kalpasan ti maika-38 nga aldaw ti impeachment trial ni Vice President Sara Duterte, nasaludsod ni Poa maipanggep iti testimonia ni financial forensic analyst Atty. Alexander Cabrera a nangtingiting iti financial record ni Duterte ken ti asawana a ni Atty. Manases Carpio manipud 2022 agingga 2025.
Inbatad ni Poa a mabalin a mangipaay ti propesional nga opinyon ti maysa nga expert witness basar iti specialized nga ammona.
Nupay kasta, inlawlawag ti abogado nga agduma ti opinyon ken konklusion.
Gapu iti daytoy, inpaganetget ti depensa a dagiti rakurak ken panangtingiting ni Cabrera ken nasken nga arisiten dagiti senator-judge basar kadagiti ebidensia a naidatag iti panangusig.
