LAOAG CITY –Kwinestionaran ni Atty. Paolo Panelo, spokesperson ni Vice President Sara Duterte, ti nagbalin a desision ti senate impeachment court a balbaliwan ti interpreasion iti voting threshold para iti conviction iti impeachment trial.
Segun ken ni Panelo, nalawag iti Konstitusion ti masapol a bilang ti botos tapno mapatawan ti maysa nga impeachable official, ngem binalbaliwan daytoy ti mayorya ti senator-judges.
Gapu iti daytoy, kinondenar ni Panelo ti nagbalin a ruling ti impeachment court no sadinno inladawanna ti proseso a niluluko.
Ti rakurak ni Panelo ket kalpasan ti 13-1 a botos ti impeachment court, no sadinno innem a senator-judges ti saaan a nakipagpaset nga agbotos tapno mabaliwan ti immuna nga interpretasion a two-thirds conviction threshold.
