LAOAG CITY – Nagyaman ni Dr. Janet Jay Amboy, ti Public Schools District Supervisor iti Las Piñas City iti nabara a pannakasarabo kadakuada ditoy probinsya para iti Palarong Pambansa 2025.
Kuna na a malaksid iti nabara a pannakasarabo kadakuada ket marikna da ti naan-anay a suporta ti probinsya iti amin a delegasyon manipod iti nagduduma a rehiyon para iti Palarong Pambansa.
Inbatad na pay maaprisyar na unay iti kinasagana ti probinsya para iti Palarong Pambansa.
Innayon na a saan laeng a ti kinapintas dagiti billeting areas a pagtalinaedan da ti kitkitaen da no di ket ti naan-anay a pannakaipaay importansya kadagiti atleta.
