LAOAG CITY – Manamnama nga agsangpet ditoy Ilocos Norte intono Disyembre 6 dagiti kaaodan a partisipantes iti maika-42 a Milo Marathon National Finals a maiyuswat ditoy ciudad ti Laoag.
Segun kenni Mr. Faybo Bartolome, sports consultant ti gobierno probinsyal, 12 a ribo dagiti manamnama a makipagpartisipar iti nasao nga aktibidad.
Naamoan a nakasagana a maisayangkat ti 3K ken 5K funrun, 10K run, 21K half marathon ken 42.195K full marathon.
Malaksid iti daytoy, inbatad na pay nga iti pakaseknan ti naan-anay a panagsagana ti pannakaisayangkat ti nasao nga aktibidad ket nakikoordenar dan iti nagduduma nga ahensya ken depertamento iti probinsya ken citoy ciudad ti Laoag.
Inbatad na kangrunaan ditoy ti PNP,PNP-Traffic Division, First Aid Medical Team kas kadagiti first responders ti probinsya ken ciudad a pakairamanan dagiti sumagmamao a pribado nga ospital ken ti Philippine Red Cross.
