LAOAG CITY – Umabot ti 34 a delegado manipud Farrington High School idiay isla ti Hawaii ti adda ditoy probinsya para iti Friendship Baseball Challenge.
Indaulwan ni Mr. Alfredo Carganilla, ti principal ti Farrington High School ti delegado a pakairamanan dagiti uppat a coaches.
Segun kenni MAPEH Supervisor Gene Reginaldo ditoy probinsya, nangrugin idi kalman ti ummuna nga ay-ayam iti nagbaetan ti Farrington High School ken maysa a grupo ti Ilocos Norte a naiyuswat iti ili ti Banna.
Mainaig iti daytoy, kuna ni Reginaldo a pagga-ammo na ket daytoy ti ummuna a gundaway nga adda ti maangay a Friendship Baseball Challenge iti nagbaetan ti Ilocos Norte ken isla ti Hawaii.
Kabayatanna, kuna ni Reginaldo a sumagmamano kadagiti naobserbaran na iti grupo ti Farrington High School ket disiplinado ken organisado dagitoy pakairamanan ti value ti ay-ayam da.
