LAOAG CITY – Mangnamnama da Mr. Gene Reginaldo ken Mr. Eric Aguilar, coach dagiti atleta a nakipagpartisipar iti Philippine Series Little League Baseball a maiyus-uswat iti ciudad ti Ilagan a makaiyalat da ti balitok a medalya.
Ti Ilocos Norte ket addaan ti lima a grupo a naipatulod para iti pannakilaban da kadagiti nagduduma a ciudad ken probinsya nga galippas intono Pebrero 12.
Bukbuklen ti grupo ti Ilocos Norte dagiti atleta manipud iti ili ti Vintar, Pinili, Sarrat ken iti Currimao.
Segun kenni Reginaldo, uppat manipud iti lima a grupo ti awanan pay ti pannakaabak ken dagitoy ti namnamaen da a makaala iti kampeonato.
Inbatad na a maysa met a grupo partikular ti Senior Baseball kontra iti Zambales nga isu ti maysa kadagiti napigsa met a grupo pakairamanan pay ti ciudad ti Baguio, Ilagan, Cauayan ken iti Mt. Province.
Kuna met ni Mr. Aguilar a nagun-od dagiti atleta daytoy gapo iti napintas met a pannakaisagana da para iti nasao a kompetisyon.
Mainaig iti daytoy, kuna da Aguilar ken Reginaldo a napintas met ti salun-at dagiti atleta ngem adda laeng ti saggaysa nga agpanateng gapo ta iti aldaw ket nabara ken nalamiis met iti parbangon.
Kabayatanna, maiyuswat met ti championship game intono bigat ti Domingo, Pebrero 12.
