LAOAG CITY – Inpakita ti Filipina Olympian rower a ni Joanie Delgaco a nakasaganan isunan para iti 2024 Paris Olympic Games kalpasan a nabingasan kas fastest female participant iti 7th Waistrooss Head of River event iti Schwebsange, Luxembourg.
Segun ken ni Coach Edgardo Maerina a nakaskasdaaw ti performance ni Delgaco iti nadakamat a 5000m handicap race.
Mainaig iti daytoy, naimbitaran ti Pinay rower ti local training club a Régates Messines a makipaset iti Luxembourg event.
Mangnamnama ti agtawen 26 a Philippine Navy personnel a makagun-od ti medalya iti Paris Olympics a naikeddeng manipud Hulio 26 agingga iti Agosto 11.
Kabayatanna, kaduana ti pito pay nga atleta a makipagpaset iti Olympics ken ni Delgaco ti kaunaan a Filipino rower a makisali iti quadrennial event iti training camp idiay Metz.
