LAOAG CITY – Nagballigi dagiti otoridad a nangtiliw ti maysa a lalaki iti inyuswat da a search warrant operation iti Barangay 55-C, Vira ditoy ciudad ti Laoag.
Nabigbig daytoy a ni Rolando Bumanglag Bueno Jr., agtawen iti 26, baro, delivery boy ken residente met laeng ti nasao a barangay.
Ti search warrant ket inparuk-at ni Presiding Judge Francisco Quilala iti RTC Branch 14 ditoy ciudad iti Laoag.
Naala iti ikot ni Bueno ti 1 nga homemade cal. 22, 5 a bala ti Cal. 22, 1 a 40mm grenade, 5 a bala ti 12 gauge shotgun, 1 a bala ti 20mm MK, 1 a bala ti cal. 9mm, dua a cellphone ken charger.
