LAOAG CITY – Natiliw ti maysa a delivery boy iti drug buy-bust operation nga insayangkat ti Philippine National Police iti Barangay 14, San Nicolas, Ilocos Norte.
Nabigbig ti subject ti operasyon a ni Reynette Joel Bumanglag, agtawen ti 33, delivery boy, residente met laeng nasao a barangay.
Segun ti report, kinemmeg dagiti pulis ni Bumanglag kalpasan a naglako iti maysa a pulis a nagpammarang a poseur buyer ti maysa a sachet a naglaon ti maipagarop a marijuana nga agbalor ti 500 a pisos.
Immun-una iti daytoy, natiliw ti drug buy-bust operation ni Mr. Reynante Estabillo iti Barangay 21 iti ili ti San Nicolas.
