LAOAG CITY – Ngimmato ti demand iti karne ti baboy iti ili ti San Nicolas.
Daytoy ket kabayatan ti umuna nga aldaw a panagbisita iti kamposanto kas naiyataday iti naiparuk-at nga schedule.
Segun ken ni Mr. Leonard delos Santos, ti meat inspector iti nasao nga ili, manipod iti nakurang a 20 a baboy a maparpati iti inaldaw ket nasurok 30 ti naparti ita nga aldaw.
Kuna na nga arig a nagsubli ti bilang dagiti maparparti a baboy sakbay iti panagraira ti ASF nga isu ti pagam-amkan ti kaaduan a consumers ken rason ti nagbabaan ti bilang dagiti maparparti iti kallabes.
Kabayatanna, inbatad na a posible a ngumato pay ti bilang ti baboy a maparti iti sumarsaruno nga aldaw.
