LAOAG CITY – Inbatad ni Ms. Joan Cadoy, aglaklako kadagiti sabsabong ditoy siudad ti Laoag nga ado dagiti tattao nga aggatgatang ken agpapareserba kadakuda para iti Undas 2024.
Segun ken ni Cadoy, dagiti special flowers kas iti orchids ken stargazer ti maibilang a kanginaan a sabsabong a mailaklako idinto a dagiti kalakaan ti Malaysian.
Inpakaammona a ti maysa a naaramid a sabong ket agbalor iti P500 agpangato depende iti kadakkel ken kinabassitna daytoy idinto nga agbalor ti P150 ti kalakaan.
Innayona a dagiti sabsabong nga ususaren ken ilaklakado da ket ang-angakaten da manipud iti siudad ti Baguio ken Manila.
Kinunana nga awanen ti pagbaliwan dagiti presio dagiti sabong agsipud ta fix price dagitoyen ken gapu iti bagyo.
Kabayatanna, inpettengna nga agtalianaed a silulukat ti shop-da para kadagiti kayatna pay ti agpareserba ken agpaaramid iti sabsabong para iti umay nga Undas 2024.
