LAOAG CITY – Ballaigi ti naisayangkat a demonstrasyon iti plano a gatangen ti gobyerno munisipal ti ili a Solsona a mechanize rice planters.
Daytoy ti inbatad ni Mayor Alec Calucag ti nasao nga ili.
Segun kenkuana a naibanag met laeng daytoy idi kalman kalpasan nga imun-unan a naitantan.
Kuna na nga immatangan daytoy dagiti agtaltalon ken empleyado ti musipyo.
Inlawlawag ni Calucag nga agarup dua nga ektarya ti naraepan ti nasao a makinarya iti las-od ti maysa nga aldaw.
Innayon na a plano nga nga ipausar kadagiti agtaltalon ti ili da tapno bumassit dagiti magastos ken umalisto ti panagtalon.
Kinuna pay ni Calucag a kadagitoy a tiempo ket agkurkurang payen dagiti makiraep ken makisekka.
Kabayatan na, plano ti gobyerno munisipal ti ili a Solsona a pagbalinen nga enterprise ti gatangen da a mechnize rice planters.
Segun ken ni Mayor Alex Calucag, saan la nga ti makinarya ti mabalin a pausar da kadagiti agtaltalon ngem ketdi uray ti panagbunubon.
Kuna na a sabali ngamin ti bonobon ti mausar iti daytoy saan a kas iti gagangay a panagbonobon.
Inlawalwag na a no agpursige ti nasao a plano, ti munisipyo ti mangisagana ti iraep dagiti agtaltalon ken maipili pay ti bin-i a mairaep.
Mamati ni Calucag a dagitoy a plano da ket saan a apno sumadot dagiti agtaltalon ngem ketdi matulungan da.
