LAOAG CITY – Inrakurak ti Department of Health ti apagapaman a panagbaba iti bilang ti kaso ti dengue iti intero a pagilian no sadino masansanen ti panagtudo sakbay pay nga opisyal nga ideklara ti panagtudo.
Bimmaba ti bilang ti kaso manipod iti 5,380 idi Marso 24 agingga idi Abril 6 iti 5,211 idi Abril 7 agingga idi Abril 20.
Dakdakkel ti panagbaba no sadino nasurok-kumurang a 30%, maibasar idi Abril 21 agingga idi Mayo 4 ket adda ti 3,634 a kaso laeng ti nairekord.
Ti Department of Health ket naannad iti interpretasion daytoy gapu ta mabalin nga agbaliw dagiti bilang ti kaso kadagiti naudi a naipadamag.
Sipod idi nangrugi ti tawen agingga idi Mayo 4 ket adda ti 59,267 a kaso ti dengue ti nairekord nga addaan ti 164 a pannakatay.
Kabayatanna, inballaag ti Department of Health ti self-protective measures kas ti panagsuot ti long sleeves ken pants wenno panangikabil ti mosquito repellent lotions ken sprays.
