LAOAG CITY – Adda ti negatibo nga epekto na ti panagserbi ti lokal a gobyerno ti probinysa gapu ti kaawan dagiti sumagmamano a department heads ti provincial capitol.
Daytoy ti inaklon ni dati a provincial administrator Atty Windell Chua ken agdama a city administrator iti siudad ti Batac ken maysa kadagiti nakipagpaset iti panagdingngeg iti kongreso mainaig ti maipagarup a saan nga husto a pannakausar ti pondo ti lokal a gobyerno ti porbinsya manipud iti RA 7171 wenno excise tax ti tabako.
Segun kenni Chua, nagtalinaed dagiti department heads iti Office of the Sergeant at Arms ti kongreso nga isuda Engr Pedro Agcaoili, Josephine Calajate, Eden Batulayan, Evangeline Tabolog, Genedine Jambaro, kenni Encar Gaor a nacomtempt iti naiwayat a panagdengngeg iti kongreso.
Kuna na a saan na pay ammo no anya ti aramiden dagiti abogado ti probinsya ngem namnamaen na a masolbar ti problema tapno makasubli dagiti maseknan nga agserbi iti provincial capitol.
Maipalagip a nangipila ni Ilocos Norte 1st District Rep. Rodolfo Fariñas ti comtempt kadagiti empleyado ken pinaayaban ti kongreso gapu ti maipagarup a saan nga husto ti pannakausar ti pondo manipud ti RA 7171.
