LAOAG CITY – Inikkaten ti Department of Agriculture (DA) ti temporary import ban iti Albania ken iti estado ti Indiana iti Estados Unidos kalpasan ti resolusyon da iti outbreaks ti high pathogenicity avian influenza (HPAI) wenno bird flu.
Basar iti Department Circular (DC) 48, ipalubusen ti Department of Agriculture ti panag-import ti domestic ken wild birds, ken dagiti produkto da, pakairamanan ti poultry meat, day-old chicks, eggs ken semen, manipod Indiana.
Inbatad ti ahensya nga amin dagiti apektado nga estado iti iti Amerika ket nadalusanen manipod iti bird flu.
Ti Estados Unidos ken Pilipinas ket addaan ti high pathogenicity avian influenza (HPAI) regionalization arrangement, ti scheme a saan pulosen nga ipatungpal ti country-wide ban iti poultry imports kabayatan ti outbreaks ti bird flu.
Naipatalged ti regionalization agreements ti Department of Agriculture iti sumagmamano a pagilian kas iti Spain, Germany, Poland, United Kingdom, Czech Republic, Brazil, ken dadduma pay.
