LAOAG CITY – Inikkaten ti Department of Agriculture (DA) ti temporary ban iti imported canned pork products, a naipatungpal paylaeng idi 2019.
Iti Department Circular 42, inpalubusen ti Department of Agriculture ti pannakaiserrek ti industrially manufactured, hermetically sealed ken heat-treated canned pork products iti Pilipinas.
Maipalagip nga inpatungpal ti pagilian ti ban iti meat ken meat products, pakairamanan ti canned meat, manipod kadagiti pagilian nga addaan ti aktibo a kaso ti African swine fever (ASF) sipud idi 2019.
Inlawlawag ti ahensya a nangipatungpal da ti import risk analysis (IRA) idi Enero 13 tapno adalen ti posibilidad a panangipalubos ti panagiserrek kadagiti nasao a produkto iti pagilian.
