LAOAG CITY – Inikkaten ti Department of Agriculture ti import ban idiay South Korea kadagiti produkto nga heat-processed pork a nagbalin nga epektibo nga addan ti innem a tawenen ti napalabas gapu iti epekto ti African Swine Fever.
Basar iti nairuar a Memorandum Order No. 23, mapalubosanen ti panagserrek dagiti produkto manipud iti nasao a pagilian ngem maipadadalan iti proseso ti maysa nga high-level heat treatment.
Basar iti departamento, babaen daytoy a pagalagadan ket maaddaan ti ad-adu a pork products nga agbalin nga available para kadagiti konsyumers iti uneg ti pagilian.
Maipalagip nga idi Abril 8, inpakita ti Import Risk Analysis (IRA) a dagiti sterilized pork manipud idiay South Korea ket maysan a ‘safe commodity’ kalpasan a natungpal dagiti pagannurotan ti World Organization for Animal Health Standards.
Kabayatanna, idi tawen 2019 ket nagbalin nga epektibo ti import ban iti nasao a pagilian tapno maliklikan a makastrek ti African Swine Fever virus ditoy Pilipinas.
Iti agdama, ti aktibo a kaso ti African Swine Fever virus ket bimmaban iti 47 iti 23 a siudad ken munisipalidad manipud iti 54 a barangay iti 28 a siudad ken munisipalidad idi Abril 11.
