LAOAG CITY – Kalikagom ti Department of Agriculture a maisubli ti backyard gardening kadagiti nagduduma a probinsia ditoy pagilyan babaen ti pannakibinnuligda iti gobierno probinsyal ken dagiti lokal a gobierno.
Daytoy ti inbatad ni Ms. Cecil Sambrano, Municipal Agriculturist iti ili ti San Nicolas.
Inbatad na a maysa ti ili ti San Nicolas kadagiti nakipapartisipar iti seminar nga insayangkat ti nasao nga ahensya.
Kunana a siguden nga adda ti kastoy a programa ngem naisardeng isut gapuna a kalikagom ti Department of Agriculture a maisubli tapno agbalin a self-sufficient ti kada household kadagiti nateng ken saan dan a kasapulan ti gumatang iti merkado publiko aglalo kadagiti agnanaed kadagiti nasulimek a lugar.
Innayon na a babaen iti naisayangkat nga aktibidad ket ad-adda pay a maisuro ti usto a wagas iti kada pagtaengan no kasano a maestablisar daytoy.
Inbatad na a dagiti Local Government Units ti mangkitakumita da kadagiti mabalin a pakaestablisaran ti backyard gardening iti kada household.
