LAOAG CITY – Kumpiansa ti Department of Agriculture a magun-odda ti single digit rice inflation iti pagilian.
Gagem ti ahensia a guminad ti garaw ti presio ti bagas.
Inaramid ti Department of Agriculture ti rakurak kalpasan ti inpadamag ti Philippine Statistics Authority no sadinno a rumrummuar a bimmaba iti 4.7% ti inflation iti napalabas a bulan manipud iti dati a 20.9% idi Hulio.
Basar iti panagadal, daytoy ti kababaan a rice inflation a nairekord sipod pay iti napan a tawen.
Mainaig iti daytoy, inbatad ni Department of Agriculture Spokesperson Assistant Secretary Arnel de Mesa a positibo ti nasao a development.
Kunana a dumanon iti 25% ti pakabuklan nga ipaay ti bagas iti inflation ditoy Pilipinas.
