LAOAG CITY – Palawaen pay ti Department of Agriculture (DA) ti programa a “Benteng Bigas, Meron Na” idiay Metro Manila tapno ad-adu pay a marigrigat ken vulnerable sector ti mabenepisiaran iti P20 iti kada kilo ti bagas.
Inbatad ni Agriculture Secretary Francisco Tiu Laurel Jr., target ti ahensia a mangestablisar ti saan a bumaba iti lima a P20 rice outlets iti tunggal lokal a gobierno iti National Capital Region.
Gagem daytoy a maiyasideg ti nalaka a bagas kadagiti umili ken maalay-ayan dagiti gastosen dagiti pamilia.
Kuna met ni Department of Agriculture-Agribusiness and Marketing Assistance Service Director Junibert de Sagun a target ti full-scale expansion ti programa sakbay nga agngudo ti Marso 2026 tapno agtugma iti panawen ti panagaapit ken masigurado ti umdas a suplay.
