LAOAG CITY – Target ti Department of Agriculture nga aramiden a kangrunaan a sentro ti panagdur-as ti panagkalap ken agrikultural iti Eastern Visayas ti Mapanas, Eastern Samar.
Ibilang ni Agriculture Secretary Francisco P. Tiu Laurel Jr. ti Mapanas ken dadduma pay a paset ti Northern Samar kas napateg nga istratehiko iti napaut a food security agenda ti gobierno.
Inbatadna a ti kinabaknang ti baybay ken daga iti agrikultura ket agbalin a kangrunaan pagtaudan ti produksion iti taraon iti rehion ken panagdur-as ti pagsapulan dagiti adda iti adayo a lugar.
Nangipaay ti Department of Agriculture ti P4.7 milyon a gatad ti tulong a pang-agrikultura pakairamanan dagiti de-kalidad a bin-i, farm inputs ken dagiti kagamitan iti babaen kadagiti nagduduma a programa iti Northern Samar.
Nangiparuk-at ti ahensia ti tulong pinansial iti sumurok 2,000 a kualipikado a benepisiario iti babaen ti Presidential Assistance to Farmers and Fisherfolks.
Nangipaay pay ti Department of Agriculture ti support package a P293 million a gatad ti mula ken fishery insurance coverage manipud iti Philippine Crop Insurance Corp. (PCIC) a mangipaay ti proteksion kontra iti bagyo, panaglayus ken dadduma pay a pangta iti panawen a masansan a makaapektar iti komunidad ti panagtalon idiay Northern Samar.
