LAOAG CITY – Target ti Department of Agriculture a makumpleto sakbay a nga agngudo ti tawen ti ar-aramiden a panag-audit wenno imbentaryo ti amin a farm to market roads iti intero a pagilian manipod 2021 agingga iti 2025.
Segun ken ni Department of Agriculture Assistant Secretary Arnel de Mesa, iti inisyal a panangtingiting, addan ti nakita da a sumagmamano a problema iti sumagmamano a farm to market road projects.
Gapu iti daytoy, nagdesisyon ni Departmen of Agriculture Secretary Francisco Tiu Laurel Jr. a pagtignayen na ti Bureau of Agriculture and Fisheries Engineering unit para iti naan-anay a pangimbentaryo.
Ti nasao nga inisyatibo ket basar iti direktiba ni Presidente Ferdinand Marcos Jr nga imbestigaren dagiti maanomalya a flood control projects ti Department of Public Works and Highways.
Segun ken ni De mesa, nupay ti Department of Agriculture ti mangestablisar ken mangvalidate iti proyekto, ti actual implementation na karaman ti bidding, commissioning ken implementation ket ti Department of Public Works and Highways, ngem ti pondo para iti daytoy ket iti latta babaen ti General Appropriations Act (GAA).
