LAOAG CITY – Agala ti Department of Health (DOH) ti nursing assistants tapno tumulong a mangalay-ay ti panagkurkurang ti nurses kadagiti pampubliko nga ospital.
Basar iti Department of Health, iti agdama ket adda ti agarop 4 a ribo a kasapulan a nurses kadagiti pampubliko nga ospital iti intero a pagilyan.
Inbatad ni Health Secretary Ted Herbosa a ti awaten a sweldo dagiti agserbi kas nursing assistants ket Salary Grade 9 wenno agarop P20,000 iti kada bolan.
Inpakaammo ni Herbosa a ti kwalipikasyon dagiti alaen da a nursing assistants ket nagturpos ti kurso a nursing ken iyur-uray da ti pannakaipasa da ti board examinations.
Mainaig iti daytoy, inbatad ti Filipino Nurses United (FNU) a dakkel ti maitulong dagiti nursing assistants para iti panagkurkurang dagiti nurses iti pagilyan.
Nupay kasta, inlawlawag ti Department of Health a ti plano da nga aghire ti nursing graduates a saan a nakapasa ti board examination ket saan da latta nga iwalin.
Immunan nga inpetteng ti Professional Regulation Commission (PRC) a saan a mabalin a mangisyu ti temporary work permits kadagiti unlicensed nurses no saan a maamendaran ti Philippine Nursing Act of 2002.
