LAOAG CITY – Binalakadan ti Department of Health (DOH) ti publiko a mangan kadagiti prutas nga epektibo a panglaban iti dehydration iti panawen ti El Nino.
Inbatad ti DOH a saan laeng a danom ti mapukaw iti bagi no agling-et no di ket uray ti electrolytes.
Segun iti DOH, uminom ken mangan kadagiti taraon a natural source ti electrolytes tapno masukatan ti mapukaw a danom iti bagi ken makatulong iti usto a hydration.
Sumagmamano laeng kadagiti prutas a mabalin kanen wenno inumen ket ti buko juice, pakwan, danom nga adda ti kalamansi na wenno lemon, saba, orange ken singkamas.
Inrakurak ti DOH, a ti El Nino ket mapaspasamak no bumara ti dakkel a paset ti Pacific Ocean.
Gapu iti daytoy, nabarbara ti panawen ken basbassit ti tudo iti uneg ti sumagmamano a bolan.
