LAOAG CITY – Inpasigurado ti Department of Health (DOH) nga agtultuloy a makaawat ti health services benefits manipod iti Philippine Health Insurance Corporation (PhilHealth) dagiti miembro na iti baet nga awan ti maawat a pondo ti ahensya iti 2025.
Daytoy ket kalpasan nga inrakurak ti kangatoan a pagpandayan linteg iti kongreso nga awan ti maawat a pondo ti ahensya iti 2025 gapu iti P600 billion a reserve funds na.
Kumpiyansa met ti health bureau a trabaho ti PhilHealth a bayadan amin ti health services dagiti miyembro na uray awan pay ti naawat na a pondo iti General Appropriations Act.
Segun ken ni Department of Health Secretary Teodoro Herbosa a maysa iti board chairperson iti PhilHealth, ti benefits ti amin nga inpatient, outpatient, karaman ti special benefit packages nga ididiaya ti PhilHealth ket masapol nga ipaay ti ahensya.
Iti report ti Department of Health, ti total benefit expenditures ti PhilHealth idi 2023 ket umabot iti P74 billion, iidnto nga iti 2024 ti total expenditures na sipud idi Enero agingga iti Setyembre keet umabot iti P135 billion ken maipagarop a nakapastrek ti ahensya ti P463.7 billion idi 2023.
