LAOAG CITY – Nagpalagip ti Department of Health (DOH) mainaig iti risgo iti salun-at ti publiko ti nangato a lebel ti polusyon iti angin.
Segun iti Department of Health, ti nangato nga Air Quality Index iti salun-at ti publiko ket mabalin a mangitunda ti seryoso nga epekto ti bagi, kangrunaan na iti bara ken puso gapu iti iseserrek ti napino a particulate matter.
Inlawlawag ti ahensya nga iti lebel nga Unhealthy for Sensitive Groups, mabalbalakadan dagiti addaan ti sakit iti bara ken puso nga agtalinaed iti uneg ti balay, idinto nga iti Unhealthy level ket kasapulan nga agsuot ti N95 face mask no rumuar.
Iti met Very Unhealthy a lebel, irekrekomendar ti Department of Health a no mabalin ket limitaran ti iruruwar ti balay tapno maliklikan ti exposure iti narugit nga angin.
Gutgutiguten pay ti ahensya ti publiko nga amwen ti agdama nga air quality iti bukod a lugar iti babaen ti real-time monitoring ti Department of Environment and Natural Resources–Environmental Management Bureau.
