LAOAG CITY – Binisita ni Department of Health (DOH) Secretary Edwin Mercado ti San Lazaro Hospital (SLH) tapno siguradwen ti kinasagana ti ahensya iti manamnama a panagado pay ti kaso ti leptospirosis kalpasan dagiti panagtudtudo ken layos iti nagduduma a paset ti pagilian.
Segun iti Department of Health, naka-activate ti Leptospirosis Express Lane para iti alisto a pannakataming dagiti pasyente a nakaptan ti leptospirosis.
Kuna ti ahensya nga adda ti nakalatang nga antibiotic, Rapid Diagnostic Tests, ken Hemodialysis Units para kadagiti pasyente nga addaan ti moderate agingga iti severe cases.
Naipasigurado pay a dagiti DOH Hospitals ken addaan ti nakasagana a surge capacity beds no umado dagiti pasyente.
Nagpaklagip ti Department of Health a libre ti panagpakonsultar iti kaasitgan a DOH Health Facility ken YAKAP Clinic, ken masapol a suruten ti bilin ti doktor iti usto a panagtumar ti agas, aglalo no naiyuper iti danom gapu iti layos.
Innayon ti ahensya nga agpakonsultar a dagus, adda man ti sintomas wenno awan tapno maliklikan ti komplikasyon.
