LAOAG CITY – Plano ti Department of Migrant Workers (DMW) a maminsan manen nga i-ban ti deployment dagiti Filipino Domestic Worker idiay Kuwait.
Daytoy ti inrakurak ni Migrant Workers Secretary Hans Leo Cacdac apaman ti pannakatay ti Overseas Filipino Worker (OFW) a ni Jenny Alvarado gapu iti mapapati a coal suffocation.
Gapu iti daytoy, imon-monitor ita dagiti kameng ti Department of Migrant Workers ti kasasaad dagiti 250,000 a Pilipino nga agtrab-trabaho idiay Kuwait gapu ta naamuan nga umabot iti 90-95 a porsiento kadakuada ket household worker.
Inlawlawag ni Atty. Hans Leo Cacdac a ti suspensyon ket maysa laeng kadagiti pagpilpilyan ita ti ahensya gapu ta malakdid iti daytoy ad-adalen pay ti Department of Migrant Workers ti panangpaiget ti aplikasyon dagiti Pilipino nga agturong ken agtrabaho idiay Kuwait.
Maipalagip a Hunyo 2024 idi inikkat ti Pilipinas ti deployment ban idiay Kuwait kalpasan a napapatay Overseas Filipino Worker (OFW) a ni Jullibee Ranara.
