LAOAG CITY – Manamnama a trataren ni Department of National Defense Sec. Gilberto Teodoro ti pannakapalag-an ti tension iti West Philippine Sea iti mapaspasangasangan a 21st edition ti International Institute for Strategic Studies Shangri-La Dialogue idiay Singapore.
Makipagkita ti mangidadaulo iti Departament of National Defense kadagiti counterpart na, pakairamanan dagiti senior government officials manipud iti nagduduma a pagilian.
Kadua ni Sec. Teodoro ni Presidente Ferdinand Marcos Jr. no sadinno ket nagbitla daytoy, kas nangipasimudaag iti panangrugi ti Asia’s premier defense forum a nangrugi ita a Mayo 31 agingga inton Hunio 2.
Kinunana a manamnama a pagsaritaan iti nadakamat nga aktibidad ti depensa ken diplomatic challenges, pakairamanan dagiti concern a sangsanguen ti Pilipinas ken dagiti nagduduma a rehion.
Inpakaammo pay ti mangidadaulo ti Defense a dagiti taripnong a maiway-wayat ket agserbi a importante a wagas tapno pagsaritaan dagiti nagduduma a takder, nangruna dagiti isyu ditoy pagilyan.
