LAOAG CITY – Gutgutigoten ni Ms. Maria Angela Gupalan, Regional Director ti Department of Social Welfare and Development (DSWD) Region I dagiti amin a Local Government Unit a kompletoen dagiti posisyon ti Inter-Agency Council Against Child Pornography (IACACP), ti nasao nga ahensya.
Daytoy ket tapno mapapigsa ti kapasidad ti inter-agency ken ken matulongan dagiti biktima ti online abuse.
Kuna ni Gupalan a paset iti trabaho da ket mangkita kadagiti wagas tapno al-alisto pay ti panagresponde da kadagiti biktima ti panagabuso.
Innayonna a paigetan da pay ti kampanya seknan iti daytoy.
Maipalagip a ti Inter-Agency Council Against Child Pornography (IACACP) ket nabukel gapu kadagiti isyu ditoy Rehiyon seknan iti Online Sexual Abuse and Exploitation of Children (OSAEC).
Paset iti panangpadur-as ti nasao nga inter-agency ti pannaka-isayangkat ti e-learning training course tapno masursurwan dagiti social worker ken dadduma pay a service providers a mang-asistir kadagiti biktima ken survivors ti online sexual abuse and exploitation of children (OSAEC).
