Nagballaag ti Department of Social Welfare and Development (DSWD) iti publiko kontra kadagiti peke a cash assistance program nga agkarkari ti P5,000 iti amin a graduating student.
Binigbig ti nadakamat nga ahensia ti makapadudua nga online account a mangididiaya ti P5,000 cash assistance iti amin nga estudyante nga agturpos iti tawen a 2024 kalpasan ti registration ti personal information-da.
Segun iti Department of Social Welfare and Development, awan ti programa ti ahensia a mangiopaay ti P5,000 cash assistance para iti amin nga estudyante nga agturpos ita a tawen.
Kabayatanna, inallukoy ti Department of Social Welfare and Development iti publiko nga ireport dagiti kas ti nasao nga account ken ti laeng official verified online accounts iti departamento ti papanan para kadagiti lehitimo a programa.
