LAOAG CITY – Inkari dagiti manufacturer ti basic necessities ken prime commodities a saan da nga agipangato ti presyo dagiti produkto da iti saan a nababbaba ngem 30 nga aldaw ken ti sumagmamano ket agingga iti 60 nga aldaw, tapno maalay-ayan ti epekto ti panagngato ti magastos nga itunda ti panagbaliw-baliw ti presyo ti langis gapu iti mapaspasamak a gubat iti Middle East.
Segun iti Department of Trade and Industry (DTI), 21 a manufacturers ti nagkari iti maysa a taripnong kadwa da ni
Trade Secretary Cristina Roque, a dagitoy ket sakupen na dagiti produkto kas kadagiti de-lata a sardinas, tinapay, bottled water, instant noodles, kape, de-lata a karne, sabon, ken kandila.
Agtultuloy met ti pannakikoordinar ti Department of Trade and Industry iti nasao nga industriya tapno masigurado nga umdas ti supply ken maprotehiran ti publiko kontra iti bigla a panagngato ti presyo dagiti produkto.
