LAOAG CITY – Awan ti ipatungpal ti Department of Transportation (DOTr) a panagngato ti plete kadagiti pampasahero a jeep ita a tawen.
Segun kenni Transportation Secretary Giovanni Lopez, naapektaran ti bagyo dagiti ado a tattao isut hapo na a saan a rumbeng nga ipatungpal ti kiddaw dagiti transport group a panagngato ti plete.
Iti napalabas a lawas met insubmitir ti Land Transportation Franchising and Regulatory Board (LTFRB) ti rekomendasyon na iti Department of Transportation mainaig iti petisyon ti transport groups nga agkidkiddaw ti panagngato ti plete no sadinno manipud P13 ket agbalin a P14 para kadagiti traditional jeepneys.
Manipud met P15 ket agbalin a P16.00 ti minimum para iti modern jeeps.
Inpetteng ti sekretaryo nga iti napalabas a lawas ket naipatungpal ti rollback iti presyo ti langis ken panagngato ti plete nga adda ti dakkel nga epekto iti ekonomiya.
Inlawlawag na nga ado pay ti manarimaan pay laeng ti panagrekobre da manipud kadagiti naglabas a bagyo ken gingined.
Innayon na a tapno malag-anan daggiti pampasahero drivers ket pinaigetan ti Department of Transportation ti kampanya kontra iti kolurom.
