LAOAG CITY – Ibilang laeng ti Department of Education (DepEd) kas maysa nga isolated case ti kaso ti pammaltog iti uneg ti pagadalan idiay Tacloban City.
Inbatad ni Department of Education Undersecretary Malcolm Garma, nga ‘isolated case’ laeng daytoy gapu iti kaado ti bilang dagiti pagadalan iti pagilian.
Aminado ti opisyal a kasapulan ti ado a pagadalan iti pagilian a papigsaen ti seguridad da.
Plano ti Department of Education ti makikoordinar iti Philippine National Police (PNP), barangay officials, tanod ken community-based security groups tapno maliklikan ti insidente.
Ti pannakapapigsa dagiti seguridad iti pagadalan ket nakadepende iti kadakkel ken kaado dagiti estudyante.
Immunan nga inbilin ni Presidente Ferdinand Marcos Jr. ti naiget nga imbestigasyon iti napasamak insidente.
