LAOAG CITY – Namnamaen ni Atty. Donato Balderas Jr., Schools Division Superintendent ditoy Dept. of Education ti nga ipangpangruna ni Sen. Sonny Angara ti kasapulan dagiti mangisursuro ken agadadal.
Daytoy ti inbatadna kalpasan a nadukatan ti nasao a senador a kas baro a Secretary ti Department of Education, mangrugi nga agakem inton Hulio 19.
Segun kenkuana, ado dagiti kurang nga usaren dagiti mangisursuro ken agadadal iti benneg ti akademia.
Inrakurakna nga importante daytoy a banag tapno naananay a maipaganetget dagiti mangisursuro dagiti leksionda ken maawatan a naalaing dagiti estudiante.
Inpettengna a mainayon a maiprayoridad ti panakaipangato ti literacy rate dagiti estudiante ken reading program iti intero a Department of Education.
Kabayatanna, kinablaawanna daytoy kas baro a sekretaria ti ahensia gapu ta patienna ni Sen. Angara kas maysa kadagiti most qualified a sumarno nga agakem kas Department of Education Secretary kalpasan a nag-resign ni Vice President Sara Duterte.
