LAOAG CITY – Pabor ni Mrs. Vilma Eda, DepEd Supt. ditoy probinsyal iti nailungalong a maipababa ti optional retirement age dagiti mangisursuro tapno maenjoy da ti biagda sakbay nga agbalin da a senior citizen.
Iti babaen ti gakat, mapagbalin nga 56 ti optional retirement age para kadagiti mangisursuro manipod iti agdama a 60, ngem agtalinaed ti 65 a mandatory retirement age.
Inbatad pay ni Eda a kanayun na nga ibalakad kadagiti nataenganen a mangisursuro kangrunaan na dagiti agtawenen iti 60 nga agretiro dan.
Innayon na a no saan pay laeng nga agretiro dagiti agtawen iti 60 a mangisursuro ket isuda ti malugi.
Kabayatanna, inpetteng ni Eda a saan a rumbeng a pagkokomperaren dagiti nataengan ken ubbing a mangisursuro gapu ta agduduma da ti abilidad mainaig iti panagisuro.
