LAOAG CITY – Inparuk-aten ti Department of Education (DepEd) ti opisyal nga school calender para iti School Year 2026-2027.
Segun iti Department of Education, mangrugi ti serrek iti pagadalan intono Hunyo 8, 2026 ken agngudo iti Abril 8, 2027.
Iti nasao nga school calendar ket pormal nga iyam-ammo ti three semister kas paset ti reporma no sadinno a gagem na a mapapintas ti panagisuro ken mapunwan ti learning gaps.
Adda ti pakabuklan a 201 nga aldaw iti sibubukel nga school year no sadinno a daytoy ket gudwaen ti tallo a termino.
Iti kada termino ket mangrugi iti opening period, instructional phase ken end-of-term activities.
Ti first term ket namnamaen a mangrugi iti Hunyo 8-11 a sarunwen ti regular classes iti Hunyo 15 ken malpas iti Setyembre.
Kabayatanna, ti maikadwa a termino ket manipod iti katengngaan ti Setyembre agingga iti umuna a lawas ti Disyembre no sadinno nga agleppas ti end-of-term activities sakbay ti holiday break.
Mangrugi manen ti serrek iti Enero para iti maikatlo a termino ken daytoy ket malpas iti maudi a lawas ti Marso a sarunwen ti final assessments ken closing activities ti Abril 2027.
