LAOAG CITY – Maipatungpalen ti 3-year term para iti School year 2026-2027.
Segun kenni Schools Division Superintendent Atty. Donato Balderaz ti Ilocos Norte a daytoy ti baro a pammilin ti Department of Education a kasapulanda nga iyimplementar.
Inlawlawagna a ti dati ket 4 a grading period ti masurot ngem iti school year 2026-2027 ket three-term a maawagan ti ‘opening bloc’, Instructional Bloc’, ken ‘End Term Bloc’.
Kunana a ti opening bloc ket isu ti pakaisayangkatan ti orientation, ti met instructional ket ti Academic ken dagiti co-curricular activities ken ti end term bloc no sadinno a ditoy a maaramid dagiti pamuspusan tapnu makompleto dagiti amin nga agad-adal ti lesson da, kas ti panag-klase ti sabado tapno makasubbot dagitoy kadagiti panawen nga awan ti klase gapu kadagiti didigra wenno kalamidad kas ti bagyo.
