LAOAG CITY – Kalikagum ti Department of Education ditoy ciudad ti Laoag nga agbalin dagitoy a back-to-back champion para iti mapaspasangasangan a Region 1 Athletic Association Meet.
Daytoy ti inbatad ni Ms. Jennifer Alejandro, ti Information Officer ti Department of Education – Laoag City.
Segun ken ni Alejandro, nakasaganan dagiti atleta ditoy ciudad, ken agtalek dagitoy a magun-od da manen ti kina-kampeonato iti Region 1 Athletic Association Meet.
Kunana a makita na no kasanu iti kinapursigido dagiti atleta nga agsansanay iti inaldaw tapno masaganaan da a naimbag iti pannakilaban dagitoy.
Inpettengna nga adda iti regular feedback mechanism nga ar-aramiden da para kadagiti atleta tapno makita dagiti kasapolan pay a mapadur-as.
Maragsakan ni Alejandro gapu ta agpapan ita ket pay dagiti napasaran a problema dagiti atleta bayat iti panagsanay da, ken mangnamnama nga agtultuloy daytoy agingga a malpas ti Region 1 Athletic Association Meet.
Kabayatanna, nagyaman ni Alejandro iti suporta dagiti nagannak, coaches, mangisursuro ken iti lokal a gobierno ditoy ciudad kadagiti atleta para iti amin a kasapolan da manipod panagtraining, taraon ken daddum pay.
Ti Region 1 Athletic Association Meet ket maiyuswat intono Marso 10 agingga iti 15 idiay La Union.
