LAOAG CITY – Inbilin ti Department of Education ti pannakaipatungpal ti asynchronous classes ken distance learning kadagiti amin a pampubliko a pagadalan ita nga aldaw ti Lunes, Abril 29 ken Abril 30, aldaw ti Martes gaou iti mapaspasaran a kinabara ti panawen ken iti pannakaisayangkat ti tallo nga aldaw a nationwide transport strike.
Karaman pay dagiti teaching ken non-teaching personnel kadagiti amin a public schools ket saan a irek-require ti Department of Education iti maseknan a pagpapaayanda.
Naammoan a dagiti aktibidad nga inorganisar ti Regional ken Schools Division Offices kas ti Regional Athletic Association Meets ken dadduma pay a division wenno school level programs ket mabalin nga ituloy kadagiti nasao a petsa.
Nupay kasta, naiget ti pammalagip ti Department of Education a kasapulan a siguradoen ken ti naiget nga ikonsidera ti kinatalged dagiti atleta kadagiti nasao nga aktibidad.
Kabayatanna, saan met a sakupen ti pammilin ti Department of Education dagiti private schools ngem inikkanda ti opsiyon nga ipatungpal met ti nasao a pammilin.
