LAOAG CITY –Inpakaammo ni Ms. Imee Nicolas ti Department of Education (DepEd) Laoag Project Development Officer 1 Youth Formation a nagkiddawda iti nayon nga agbantay ditoy siudad.
Daytoy ket kalpasan ti pannakitaripnongda kadagiti Local Executive ditoy siudad.
Kunana a nagpaayab nga insigida ti Schools Division Superintendent a ni Joan Corpuz ti online meeting kalpasan ti napasamak a pammaltog iti San Jose National High School idiay Tacloban City ngainatendaran ni Mayor James Bryan Alcid.
Inbatad ni Nicolas a naipalagip kadakuada iti akem da tapno protehiran ken ipasigurado ti kinatalged dagiti estudiante manipud ti iseserrek agingga a rumuarda iti pagadalan.
Kinunana a mabalin nga adda ti malabsing da a gakat no mapaay da a protehiran dagiti estudiante.
Mainaig iti daytoy, nasaludsod ni Mayor Alcid no ana ti kasapulan ken ditoy da nga inkiddaw ti nayon a security guard kadagiti pagadalan.
Kinuna ti Mayos aa mangipaay daytoy ti nayon a personnel manipud ti Philippine National Police (PNP) ken barangay tanod kadagiti pagadalan nga awan ti security guard-na.
Innayon pay ni Nicolas a nagkiddawda itu metal detector para iti alisto a pannakadeterminar nu adda iti natadem a banag a linaon ti bag iti estudiante no sadinno nga inpasigurdado ti Mayor ti pannakaipaayna.
Kabayatanna, nagpanawagan isuna kadagiti nagannak nga isuda ti kangrunaan a mangkita kadagiti naglaon ti bag dagiti annakda sakbay a sumrek iti pagadalan.
