LAOAG CITY – Mamati ti liderato ti Department of Education a napateg ti panangipaay iti suporta iti Early Childhood Care and Development dagiti estudyante ditoy pagilian.
Daytoy ti inbatad ni Education Secretary Sonny Angara kabayatan ti panagtabuno na iti World Bank Philippines Economic Update Development Dialogue.
Iti mensahe ti sekretario, nailawlawag a ti laeng panggep daytoy a suporta ket tapno matungpal ti tunggal agtutubo a Pilipino ti arapaapda iti biag. Maibasar iti datos manipud iti United Nations Children’s Fund, adu pay laeng nga agtutubo a Pilipino ti saan nga agpalista kadagiti early learning programs ti ahensia.
