LAOAG CITY – Sinungbatan ni Doctor Joan Corpuz, DepEd Supt iti ciudad ti Batac ti reklamo a naidanun iti Bombo Radyo babaen ti maysa nga ina.
Daytoy ket mainaig ti saan a pannakapa-sign ti clearance ti anak na iti baet a pinagdalos daytoy ti mangisursuro.
Inpetteng ni Corpuz a segun ti palawag kenkuana ti maseknan a mangisursuro, idi pay laeng biernes, Abril 6 ti naudi nga schedule ti panagsign da ti clearance.
Innayon na a mabalin a ti nasao nga ubing ket maysa kadagiti papaanawa a saan pay a nakaisumitir ti requirements na.
Mainaig ti daytoy, inpakaammo ni Corpuz a nangipaay da ti pawayway ti panagsign dagiti mangisursuro ken agpatingga laengen intono biernes, Abril 13 ita a tawen.
