LAOAG CITY – Pabor ni Doctor Joel Lopez, DepEd Supt iti Division Office iti ciudad ti Laoag iti mandatory drug testing nga inlungalong ni PDEA Chief Aaron Aquino para kadagiti estudyante nga agtawen ti 10 agpangato.
Nupay kasta, kuna na a maikadwa kuma laeng daytoy a wagas tapno masigurado a maiyadayo dagiti estudyante iti llegal a droga.
Kuna na a ti ummuna a rumbeng a maaramid ket ti parental guidance wenno ti naan-anay a panagtarabay dagiti nagannak kadagiti annak da kontra iti illegal a droga.
Innayon na a masapol nga adda dagiti nagduduma nga aktibidad tapno mailiklik dagiti estudyante iti illegal nga aktibidad.
Mainaig ti daytoy, kuna ni Lopez a kas maysa a nagannak, no ma-drugtest ti maysa nga estudyante ket masapol a kuyugen ti nagannak.
