LAOAG CITY – Posible a mapukawan ti sumurok P226 billion agingga iti P232 billion ti ekonomia ti Pilipinas no maipatungpal ti total deployment ban dagiti Overseas Filipino Worker (OFW) idiay Middle East basar ken ni Department of Economy, Planning, and Development (DEPDev) Secretary Arsenio Balisacan.
Inbatad ni Balisacan a mabalin a mapasamak ti pannakapukaw ti nasao a gatad no bilang a ma-repatriate wenno mapaawid ti sumurok-kumurang 550,000 a Pilipino nga agdama nga agtrabtrabaho iti rehion.
Kunana a ti nasao a gatad ket katukad ti agarup 65% ti remittances wenno kuarta nga ipatpatulod dagiti Overseas Filipino Worker manipud idiay Middle East ditoy Pilipinas.
Gapu iti daytoy, dakkel ti agbalin nga epekto daytoy saan laeng kadagiti mangmangged a Pilipino no diket pakairamanan ti pakabuklan nga ekonomia ti pagilian.
