LAOAG CITY – Inrakurak ti Philippine Coast Guard (PCG) a nakadepende ti desision ni Pres. Ferdinand Marcos Jr. ken ti Armed Forces of the Philippines (AFP) ti deployment ti navy vessels a sumuporta kadagiti barko ti Pilipinas kabayatan a maisaysayangkat ti ‘Philippine mission” iti West Philippine Sea (WPS).
Segun ken ni Commodore Jay Tarriela, Philippine Coast Gurad spokesperson on the West Philippine Sea, ti Armed Forces of the Philippines ti nasken a mangaramid ti rekomendasion idinto a ni Pres. Marcos met ti addaan ti pinal a desision iti isyu kas commander-in-chief.
Inbatadna a nakasuporta laeng ti Philippine Coast Guard iti aniaman a desision ken addang ti gobierno.
Kunana a nakita ti barko ti Peoples Liberation Army a sumursurot iti Philippine Coast Guard vessel nga adda ti kaadayona a 300 yards kabayatan ti panagturongna iti BRP Datu Pagbuaya a binombaan ti water cannon ti China Coast Guard (CCG).
Inpetteng ni NMC spokesman Undersecretary Alexander Lopez nga iti baet ti panang-harass ti China, saan met a bumales ti Pilipinas. Umadayo laeng dagiti barko ti pagilian ken mangiwayatda lattan ti monitoring activities.
Inlawlawag ni Tarriela nga uray saannna nga irekomendar ti aniaman a tignay kontra iti PLA Army, adda dagiti gundaway a mabalin daytoy nga ikonsiderar iti babaen kadagiti pagalagadan.
