LAOAG CITY – Nagduduma met nga agricultural intervention kas suporta kadagiti mannalon ditoy probinsya ti ipaay ti Dept. of Agriculture iti Bagong Pilipinas Serbisyo Fair.
Segun kenni Regional Director Annie Bares iti Dept. of Agriculture – Region 1, karaman kadagiti ipaima da kadagiti mannalon ket dagiti machinaries kas iti combine harvester, tractor, pump and engine sets, hybrid seeds, corn seeds, vegetable seeds ken para iti organic agriculture.
Kunana nga amin dagitoy nga ipaay da kadagiti kooperatiba dagiti mannalon ket 85 a milyon a pisos kas tulong tapno mapadur-as ken mapasayaat ti sektor ti agrikultura.
Mainaig iti daytoy, kunana nga agtultuloy ti implemenasyon dagiti nagduduma a programa ni Pres. Bongbong Marcos kas sekretaryo iti departamento.
Inlawlawag na a maysa kadagiti karit iti sektor ket agrkultura ket dagiti simmangbay a kalamidad no sadinno kangrunaan a naapektaran dagiti imprastraktura a mausar iti panagtalon malaksid pay dagiti namulaan ti pagay.
Kunana pay nga iti agdama ket naiget ti panagsagana da iti posible nga epekto ti El Niño ken manarimaan ti panangtarimaan da kadagiti irrigation system ti Rehiyon Uno kas kadagiti small water impounding system ken solar irrigation system ken ti panangipaay da kadagiti pump and engine sets.
Kabayatanna, inbatad na nga iti dry season iti 2022 agingga iti 2023 ket umabot iti 641 a milyon a metriko tonelada ti naapit a bagay ken ti target da iti wet season ita a tawen ket 2,200,00 metric tons.
