LAOAG CITY – Nagdesision ti korte idiay New York nga iyalu-od ti petsa iti panagdesision ti criminal case kontra ken ni dati nga United States Pres. Donald Trump.
Segun ken ni Judge Juan Merchan a ti desision ti pannakaitantan ti panagdesisionda ket tapno maliklikan a maapektaran ti resulta ti eleksion.
Iti uppat a panid a surat ket gagemda nga iruar ti desision agingga inton Nobiembre 26.
Maipalagip nga idi Mayo ket nairaman ni Trump iti 34 counts ti panangpeke ti business records-na tapno makaluban ti hush money a naibayad iti maysa nga adult-film star.
