LAOAG CITY – Inlawlawag ni Barangay Chairman Florendo Corpuz iti Barangay 14, San Gregorio iti ili ti San Nicolas nga agdependar da iti desisyon ti Rural Health Unit mainaig iti ina a positibo iti virus ken ti dua a bulan a maladaga nga anak na a negatibo iti sakit.
Segun kenni Corpuz, ti maladaga laeng ti saan a nakaptan ti virus iti pamilya da.
Kunana a dagiti tallo a nainayun a kaso iti barangay da ket naggapo iti maymaysa a pamilya no sadinno a naakaran ti ummunan a nagpositibo a miembro ti pamilya.
Inbatad na a dagiti opisyales ti barangay, pakairamanan dagiti BHW ken tanod ti mangipaay ti kasapulan ti sibubukel a pamilya.
Mainaig iti daytoy, kuna ni Corpuz nga iti agdama ket addan ti siyam nga aktibo a kaso ti covid-19 iti barangay da.
Kabayatanna, inpasigurado met ti kapitan a naipaayan ti ayuda dagiti 650 a pamilya pakairamanan dagiti transient nga apektado iti total lockdown iti barangay da.
