LAOAG CITY – Suportado ti liderato ti kamara de representantes ti nagbalin a desisyon ni Presidente Ferdinand Marcos Jr. nga rebisar ken itantan ti panagpirma na iti 2025 General Appropriations Bill.
Segun ken ni House Appropriations Committee Chairman Zaldy Co, respetaren ti kamara de representantes ti desisyon ni Presidente marcos nga ipadalan iti metikuloso ti panangrebisar iti probisyon a nakaipalaon iti General Appropriations Bill.
Inrakurak ni Co a maawatan da ni Presidente Marcos gapu ta ti commitment na ket masigurado ti national budget a nakalinya iti prayoridad ti administrasyon na.
Innayon ni Co a dayawen da ti inaramid ni Presidente Marcos.
Kuna na pay a ti desisyon ti presidente nga itantan ti panangpirma ti budget ket pammaneknek iti dedikasyon na iti panagbalin na a transparency.
Inpasigurado ni Co a nakasagana ti Kamara de representantes nga agtrabaho kadwa da ni Presidente Marcos tapno lawlawagan a naimbag ti budget para iti interes ti Pilipino.
